Саммит Компьютер Технологи ХХК нь мэдээллийн технологи, компьютерийн худалдаа, үйлчилгээний чиглэлээр үйл ажиллагаа явуулдаг компани юм. Тус компани нь Монголын мэдээллийн технологи болон компьютерийн жижиглэн худалдааны салбарт олон жилийн туршлагатай бөгөөд гадаад худалдаа, программ хангамж, компьютерийн жижиглэн худалдаа, засвар үйлчилгээ, харилцаа холбооны тоног төхөөрөмжийн засвар үйлчилгээ зэрэг чиглэлээр ажиллаж байна.
Саммит Компьютер Технологи ХХК нь тоног төхөөрөмж, мэдээллийн технологийн шийдэл, программ хангамж, компьютерийн худалдаа болон засвар үйлчилгээний чиглэлээр олон жилийн туршлагатай компани юм. Тус компани нь үйл ажиллагаагаа тогтвортой өргөжүүлж, төрөл бүрийн салбарын харилцагчдын баазыг бүрдүүлсэн бөгөөд мэдээллийн технологийн салбарт танигдсан байр суурьтай байна. Мөн олон улсын нэр хүндтэй 40 гаруй брэндийн албан ёсны нийлүүлэгчээр ажилладаг нь зах зээл дэх өрсөлдөх чадварыг нь бэхжүүлж байна.
Саммит Компьютер Технологи ХХК-ийн санхүүжих чадварт бизнесийн тэлэлтийн төлөвлөгөө бүрэн хэрэгжихгүй байх, санхүүжилтийн хязгаарлалтаас шалтгаалан хөрвөх чадвар буурах эрсдэл нөлөөлж болзошгүй байна. Мөн үйл ажиллагааны мөнгөн орлого нь зарлагыг бүрэн нөхөхөд хүрэлцэхгүй байгаа нь мөнгөн урсгалд дарамт үүсгэж байгаа бөгөөд өр төлбөрийн үүргээ хугацаанд нь биелүүлэх чадварт тодорхой эрсдэл бий болгож болзошгүй.
Зэрэглэлийн үнэлгээг компанийн ирүүлсэн санхүүгийн тайлан, үйл ажиллагааны мэдээлэл болон нийтэд нээлттэй эх сурвалжид үндэслэн хараат бус байдлаар үнэлсэн болно.
.png){kind=small}